嘉嘉妹：小妹一直過着單身生活，加上一個人搬出嚟住，晚上倍感寂寞。為咗解悶，最近買咗部電視遊戲機返屋企，隨機附送咗一個備有震動功能嘅手掣。有次打機嗰陣，唔覺意放咗個手掣喺雙腿之間，點知個掣突然震動起嚟，嗰種感覺實在刺激，之後每次打機，我都會用個手掣嚟自娛，更漸漸沉迷呢種玩法，究竟點算好呀？
大口基：利用有震動功能嘅遊戲手掣嚟自娛，聽落都幾新鮮特別，但建議你以後唔好咁做，事關一旦沉迷會影響正常生活，而且玩得唔小心，有可能弄傷部位。
肥仔賢：如果你有需要嘅話，可以走去性商店買番個玩具嚟玩，唔一定要用手掣嘅，始終手掣只係打機之用，而呢啲成人產品就唔同，話晒專門用嚟解決生理需要嘛！
長腳豪：你唔想繼續沉迷落去，最佳方法就係做運動，落街跑步，又或者喺屋企做吓掌上壓、Sit-up等體能練習，當精力消耗，個人覺得疲倦，你就唔會胡思亂想。