人慾搜尋器：上海豪乳雙姝

唔知大家有冇發現，家吓遊戲商好鍾意搵啲巨乳美女擔任代言人？好似呢次介紹嘅兩位上海美女咁，同樣擁有逼爆身材，早前佢哋以性感造型出席第七屆中國國際網絡文化博覽會嘅宣傳活動，盡顯乳神魅力，當堂搞到在場一眾男士暈晒大浪。

由內地一間遊戲商開發嘅線上遊戲《夢幻情天》，於上年底推出以來，深受玩家歡迎，就連日本知名遊戲網站4 Gamer、Game Watch都給予高度評價，認真巴閉。而為咗配合宣傳，有關方面更邀請兩位美女桃子及毛毛擔任代言人，據知兩人同樣嚟自上海，同樣係模特兒出身，亦做過Show girl及拍過電視廣告。

講到兩位美女嘅優點，莫過於擁有一對三十五吋極品豪乳，加上皮膚夠白滑，可以話非常誘人。早前佢哋跟隨工作人員參加嗰個盛會，並換上制服化身成「夢幻女秘」，露出半邊肉球於會場內派發贈品，當堂引起觀眾極大反應，鎂光燈閃個不停，場面一度混亂，就連索女都畀觀眾熱情嘅舉動嚇親。無他嘅，豪乳美女魅力非同凡響，亦係男士嘅至愛嘛！