玩遊戲呢家嘢，可以話係夜場主要令到客人開心嘅環節，以刮王既經驗去睇，只要間場嘅遊戲搞得好，咁佢哋嘅生意都特別唔同。早兩晚去過曼谷一間場玩，見到小姐們都企喺台上面，而台下客人就好鬼興奮，仲有就係個個手攞一張紙。搞乜鬼？原來係玩Bingo，呢個我哋由細到大都玩嘅遊戲，但係將佢放喺夜場上又可以有乜搞作？
簡單嚟講就係邊位客人贏出的話，就可以同小姐春宵一刻，咁即係話間場免費請你玩。呢個玩法對於客人嚟講，確實係一大吸引，因為可以食免費餐，相信每個男人都想要。夜場負責人話，佢哋依家每晚都會玩呢個遊戲，而只有一個大獎可以同小姐玩番晚，佢話依家玩遊戲當然係想吸引客人，好多人都會因為有免費餐食而走過嚟，所以真係客量多咗好多。
仲有一個好重要嘅係，呢個遊戲確實係相當刺激，情況就好似你手中攞張六合彩票，睇住佢攪珠一樣，所以喺全場氣氛帶動之下，客人都玩得更投入。此外，同時亦會設有五個獎，中咗嘅亦可以免枱鐘，咁就計落之下都有着數。
撰文：刮王