雖然寫真妹轉型當AV女優嘅例子多不勝數，之不過每次出現呢類情況時，總會引起一陣哄動，好似呢次介紹嘅新人步原光咁，加入AV行列只有兩個月左右，相貌清純可人，皮光肉滑，身材發育得夠晒平均，梗係零舍受歡迎啦！
現年19歲嘅步原光，早年以寫真女優姿態出現，憑着嬌俏嘅面孔，加上一對精緻小籠包，令萬千宅男為之瘋狂，每次舉行攝影會都能吸引過百人參加，寫真集又大賣，足見索女魅力非凡，喺寫真界甚具人氣。
直至呢位索女加入AV界之後，一眾影迷更加陷入瘋狂狀態，大量網民第一時間湧到官方網站，希望可以知道佢嘅最新動向。其實步原光愈來愈受歡迎，確實有佢嘅原因，事關阿妹實在太過嫩口，最重要係其清純形象深入民心，每次演出都能夠給予觀眾心跳嘅感覺，難怪喺AV界都將佢譽為第一純情美少女。
據了解，步原光加盟老牌AV片商Max-A之後已經受到力捧，原來係自從希志愛乃確定要轉會後，該片商急需搵人頂替呢位人氣女優嘅位置，而寫真女優出身嘅步原光可以話非常適合，事關佢喺寫真界嘅知名度甚高，深得觀眾愛戴，更何況呢類毫無撈味嘅女仔，喺AV界幾時都咁受歡迎，道理非常簡單，就係觀眾冇咁容易睇厭嘛！
出生日期：1991年3月3日
身高：156cm
三圍：33C-23-34
撰文：娟娟