有句說話叫好馬不吃回頭草，通常用嚟諷刺啲人離開原本嘅工作崗位，之後又返番轉頭。其實呢種情形，喺內地夜場真係極少發生，好似以前好景時，唔愁冇工做，導致啲囡囡離開咗嗰間場之後，通常都唔會再返轉頭。
但隨着時代轉變，家吓呢種情形已經唔同晒，早前因為色情行業受到嚴重打擊，唔少夜店被封殺，所以好多女仔都離開唔做呢行；直到新一年開始，市道看似好咗啲，好多場嘅生意都有反彈嘅迹象，所以好多場嘅老闆都會主動搵番呢啲女返去做。
其中一位小姐同我大軍講，其實佢哋好多姊妹都係有呢份無謂嘅骨氣，走咗就唔會返轉頭，但今時唔同往日，物價指數高，樓價亦升到嚇親街坊，為咗生活過得舒適一啲，不得不吃回頭草。其實呢行嘅女仔真係同一般嘅女仔唔同，佢哋睇錢睇得好重，亦明白到「面子」係唔可以當飯食嘅！
撰文：大軍