家陣內地嘅邪骨場，好興將啲囡囡分成幾個級數，再按佢哋所屬嘅級數，收取客人唔同嘅收費，當中相差有成三四百蚊咁多。大家都做咁多工夫，點解會同工唔同酬呢？而佢哋嘅級數又係點定嘅呢？原來內裏大有文章，就同大家探討一下。
我哋分別搵咗一位骨場主任和一名資深技師嚟講解吓內裏嘅情況。我哋先問一下入咗行兩年嘅陳主任，一般骨場係點劃分囡囡嘅級數嘅呢？陳主任話：「其實間間場都有自己唔同嘅標準，好難一概而論，以我哋間場為例，就將囡囡分成四級，最低一級同最高一級，收費相差就有成四百蚊咁多，好多客人都以為係以靚嚟劃分，其實當中唔係咁簡單，仲有好多學問喺度。」
原來佢哋除咗考慮外表之外，仲要考慮囡囡嘅床上功夫同埋受歡迎程度。陳主任話：「好多客人嚟玩邪骨，技師靚唔靚都係其次，最緊要就係有冇好嘅服務態度，另外，囡囡樣子一般，但手段高明，就有好多回頭客，自然係要升佢哋嘅『呢』啦！」
資深技師阿娟就另有講法：「要升上第一級，最緊要就係要聽話，公司做宣傳，你肯影相，搞制服誘惑，你第一個肯穿，呢啲咪係聽話囉，仲有就係你返中更，但肯兼埋夜，當你返夜，又肯替埋早，咁就夠晒聽話啦！想唔升都難呀！」
連休息時間都冇，咁咪好似賣身做妹仔咁樣？阿娟話：「有乜辦法！佢哋見你咁搏，咪大家都搵錢囉！如果你唔聽話，咪成世做B牌，三四百蚊做到隻狗咁囉！」但唔想咁搏，又有冇其他方法呢？阿娟話：「當然有啦，啲經理主任都係人，你畀啲着數佢哋，咪有得特別關照囉！」要畀黑錢呀？阿娟長嘆一聲：「除咗錢！有時仲要犧牲色相，咁至有運行咋！」原來真係好黑暗！
撰文：小德