每年日本都有好多囡囡下海做AV女優，但能夠紅到出嚟嘅真係寥寥可數。有人問想喺AV界紅透半邊天，喺相學上係咪有樣睇，原來真係有嘅！
撰文：小德
囡囡想獨當一面，最重係要生得眉清目秀，即條眉要生得彎彎，眉清見底，加上兩眼清白有神。相學上認為有呢種面相嘅囡囡，悟性極高，感情豐富，而且多才多藝，從事演藝界一定會有好成績。
另一種有助囡囡發展嘅面相係唇薄口大。相學認為，唇薄口大者天生機靈活潑，人際關係特別好。事關口大，唇舌旁嘅肌肉會生得特別發達而敏捷，故口齒伶俐，從事靠口維生嘅行業會較易成功。雖然做AV女優唔使講對白，但囡囡喺見面會、簽名會把口可唔可以氹到碟迷，就決定佢嘅生死。
第三點係眼睛大。眼大嘅囡囡喺相學上代表善於表達感情，可以話喊就喊，話笑就笑，仲可以輕易感染到身邊嘅人，最重要仲係觸覺敏銳，能捕捉別人嘅心理，加上創作力強，所以從事演藝事業，總可以輕易得到別人嘅支持。
最後就係個鼻要生得夠高夠直，此面相為人比較自我，信心十足，不輕言放棄，所以喺工作上唔難取得好成績，唯獨太自我，會影響人際關係，好多女優唔喜歡宣傳，一樣大紅大紫，都係全靠個鼻生得靚。以上四點集於一身當然最好，但花無百日紅，如果有其中三類，據講也能獨當一面。