「戀物癖」種類眾多，而喺歐美足以開拍成四仔題材者則甚少，繼皮革、塑膠以及絲襪後，戀足癖亦漸漸成為主流，兼且愈嚟愈多脫星加入拍戀足四仔行列！
鍾情玩腳嘅戀足癖，通常都離不開絲襪甚至高踭鞋作道具，而近年嘅美國四仔，有片商就大力發展以此為題材四仔，120分鐘性戲，由脫星美腿帶住走，亦有不少戀足成人網站配合，一時間令戀足癖上晒位。至於戀足癖嘅玩法基本上冇特定，最重要係女人有一雙修長光滑美腿及靚靚腳趾就足夠，奇怪係只有男人對女人雙腿有情意結，暫未發現有充足腳毛嘅男人腿拍攝成為四仔題材！
據講，戀足癖開拍成四仔時未受廣大觀眾接受，事關四仔迷認為鏡頭前，男人捉住女人雙腿又索又啜極度惡心，有時四仔封面更出現脫星自啜腳趾，令觀眾性慾及購買欲大減。但好此道者則樂此不疲，更於討論區發表對玩腿嘅「專業意見」。
影迷認為，四仔劇情千篇一律，脫星身穿性感內衣、魚網絲襪及高踭鞋，先嚟一場美腿自摸，然後男優走到腿前服侍，最後腳交出火收工，製作欠缺誠意。有見及此，現時戀足四仔已發展到街頭玩腿，例如地鐵車廂，酒吧等公眾場所，而數到最激，相信係玩「蛇腿美人」，四仔內冇男優演出，只得脫星任由大蛇喺美腿上「躝上躝落」，睇到你動魄驚心。
撰文：祖