如果問大軍出嚟玩咗咁耐，試過沉船未，我嘅答案係有！老實講人非草木，又點可能無情呢？遇到個心水靚女，梗係會玩多幾次，最後難免會產生感情，而囡囡又會順理成章咁變成「飯盒」。從開始去酒店爆房，到後尾上佢屋企過夜；從起初起身畀錢，到後尾唔講錢之餘，仲會幫佢屋企添置傢俬電器，呢個過程只有沉過船嘅人，至會有深刻嘅體會。
當時好多老友都話大軍，對方始終係囡囡，咁樣落去都唔係辦法。事關一個禮拜最多兩晚喺度，其餘時間佢去咗邊，同埋有冇其他男人「助養」都唔知。其實對沉船嘅人嚟講，點可能冇諗過呢點呢？不過每個男人總有寂寞嘅時候，難得有個人慰藉，同埋畀到拍拖嘅感覺，試問又點可能話走就走呢？不過所有戀情都只係得兩個結局，唔係結婚就係分手，我就係揀選咗後者。理由相信大家都估得到，不外乎發現對方有其他男人，同埋偷偷走返夜場度做。縱然如此，我一啲都冇後悔同失落。因為呢段時間所得到嘅回憶，唔係好多人體會得到，所以大軍依家去玩，只係抱住玩嘅心態。沉船？試過咪算囉！