每次冬天一到，小記我唔知係咪身子弱，所以一定要搵來頸巾、手套同冷帽抵禦寒流。成功驅寒之後，我經常都有所慨嘆，點解自己唔似一班香港嘅女明星咁，天寒地凍都一樣可以着低胸裝、露背裝，甚至係以比堅尼上陣呢？不過，講到禦寒能力，香港女明星就一定唔夠呢班妹妹仔勁喇！因為佢哋居然可以喺冰天雪地嘅哈爾濱，着住比堅尼選美！剛剛過去嘅2009年12月尾，哈爾濱新絲路學校舉辦咗一個中國泳裝模特兒新面孔選拔大賽，其中一個環節就係要一班佳麗換上比堅尼泳衣到室外亮相！雖然當日哈爾濱街頭已經積上厚厚嘅雪，但係一班佳麗青春無敵，完全唔怕凍，而且一副火辣身材仲搞到現場熱辣辣添！如果大家都想驅走寒意的話，就一定要上網友造型師孫剛嘅Blog欣賞一下喇！
真係好Blog：http://blog.sina.com.cn/s/blog_5ed55f980100gw0h.html?tj=1
撰文：祖