以客為尊

日本嘅「執事」即係管家嘅意思，而玩家入到呢啲「執事酒吧」，不但可以揀選心水俏管家，得到貼身招待嘅同時，一眾由風俗娘充當嘅執事，更會視玩家如主人，幫佢哋斟酒、餵飲酒，甚至幫佢哋到洗手間解手，全程貼身照顧，從而讓佢哋得到皇帝般享受。酒吧負責人川崎表示，呢啲執事酒吧另一個最大嘅特色，就係風俗娘都經過嚴格培訓，例如當玩家想點餐，執事便會主動拎個餐牌過嚟，然後跪喺玩家面前，問主人想食乜嘢，讓玩家得到如上賓般嘅招待。

話點就點

除咗要照顧玩家嘅需要外，喺服務時間內，執事更要聽從玩家指示，不論佢哋有乜嘢要求，都要跟住嚟做。可能有人覺得，如果玩家有出位嘅要求，好似話想執事就地為佢哋吹奏一曲，咁係咪又會照做呢？川崎指出，呢啲過分要求，執事當然唔會做，但係經過訓練嘅佢哋，都識得圓滑地解決問題，好似上述嘅問題咁，執事便會回答：「大人，我早就喺酒店準備好房間，等我好好咁滿足你嘅要求。」玩家聽到佢咁答，試問又點可能拒絕呢？

服務體貼

由於場內唔可以進行任何色情服務，故此玩家們都係抱住傾偈、飲酒心態而去。如果想有進一步發展嘅話，玩家可以叫執事幫佢準備間房，佢哋便知道你想帶佢出街。雖然呢種執事服務好玩，但收費一啲都唔平，以八十分鐘為一段服務計算，每段收費便要二萬八千日圓，折合約為二千三百多港元。另外，由於呢啲酒吧喺日本甚受歡迎，去之前要先打電話預訂，就唔使企喺門口等啦！

撰文：阿豪