01/01/2010

播放本新聞相關短片

夜蒲人:月黑風高剝衫夜男女裸體示眾

天寒地凍,夜麻麻有乜好做?大部分人會匿埋被竇好夢正酣,小部分人選擇跳舞劈酒,另類人則當街當巷鬥剝衫兼發生關係,而後者更喺歐美逐漸擴張,年輕一輩半夜三更走上街自動剝衫,究竟佢哋想玩乜呢?

剝衫快閃者

日頭求其工作,夜晚勤力剝衫,呢個正係歐美後生一輩嘅生活態度。唔係亂吹架!近年,歐美兩地吹起一股街頭剝衫風,閣下只要到成人網站,輸入「Public Sex」或「One Night」等關鍵詞,就會出現大量同街頭剝衫及性愛嘅圖片或討論區,有啲更精彩到將整段短片放上網。

點解會咁?據講係後生一輩生活上得唔到認同,惟有透過一啲挑戰法紀嘅行為獲得快感,加上愈嚟愈多男女參與,同好者從中獲得共鳴,以致愈玩愈大,亦由於佢哋想挑戰又怕犯法,有人就稱佢哋為「Flashing」街頭剝衫快閃者!

隨心所欲

正常人睇「剝衫快閃者」,會認為佢哋活得空虛,死得寂寞,相反當事人認為街頭剝衫先至有存在感,同時有一種動力,令佢哋繼續工作及生活咁話!至於佢哋剝衫嘅地方並無指定,總之係大街大巷、商場工廠、公園馬路,完全隨心所欲,興起即剝,剝至光豬後更要搵對手解決需要,若然無人幫手,自己嚟都冇所謂!

有人認為剝衫快閃者必定係讀書唔成,好食懶做一輩,起初的確如此,但漸漸連中產階層都加入,有車一族甚至裸體揸車都唔介意,唔通愈有錢真係愈空虛?

專揀夜晚

有人會問既然咁鍾意剝畀人睇,點解日光日白唔剝呢?主要原因有二,首先呢班人都有正職維持基本三餐,因此早上時間要返工搵食,要早上露體除非放假日子,其次,晚上予人一種神秘浪漫嘅感覺,環境幽暗,外人喺睇到與睇唔到之間,佢哋自覺好刺激!

其中一位女剝衫者Sandy話:「參與剝衫活動已有兩年,係透過交友網站認識同好,記得第一次有十幾位男女走入便利店,然後齊齊剝衫飲酒,直至最後一位飲完至着衫走人,職員都感到好愕然,但冇理會我哋,反而其他顧客就對我哋指指點點,有人更揚言要報警,但我哋一走埋對方身邊,就嚇到佢哋雞飛狗走,從此我就愛上呢種活動,剝衫嘅感覺帶畀我歡樂,亦感受到艷羨目光,仲有一種難以言喻嘅犯罪感,因而最後必要藉住性愛平衡心理!」

撰文:祖