行山、游水都有唔同嘅裝備，北上玩樂嘅玩家，裝備更係唔少得，但最重要嘅唔係避孕套，而係有香港鈴聲接駁服務，尤其係對有家室嘅玩家嚟講，呢個裝備更係唔少得！話說老友有個極惡嘅女友，拍拖多年，女友就管足咁多年，難得女友要去飲，有幾個鐘自由時間，於是便叫我帶隊去玩。
知道老友恨咗好耐北上玩樂，又知佢得嗰四個鐘，於是揀咗深圳嘅桑拿場嚟玩。整個過程都相當順利，揀女、入房再曳曳，計埋上去嘅時間全程啱啱三個鐘，仲有一個鐘頭時間畀我哋去買嘢。點知正當我哋想打道回府之際，老友手機突然響起，女友劈頭第一句就問：「點解你會上咗大陸？」原來老友手機冇香港鈴聲嘅接駁服務，女友一聽鈴聲就知老友身在內地。結果係點仲未知，但我可以肯定六國大封相一定唔少得，相信老友呢次有排受！正所謂「工欲善其事，必先利其器」，大軍在此奉勸各位玩家，北上記得要有準備，咁就唔會咁麻煩啦！
撰文：大軍