邪火下行變無能

坊間流傳一句話：「女人愛靜，男人好動」，所以引申出女人進補要滋陰，男人補身要壯陽，聽落好似好有道理，但據中醫師講：「呢個觀點係錯嘅，男士滋陰比壯陽更重要。」現代人大多數營養過剩，導致身體機能出現問題，所以再不停服用壯陽食品，身體根本代謝唔到，更唔好話吸收，當你愈塞愈多，遠遠超出身體所需，食物就會喺體內積聚，慢慢產生濁氣，最後演變成內熱，內熱化為「邪火」，上行會搞到你成日頭重重，周身唔舒服，下走就會影響生殖功能。

滋陰首要調脾胃

男士如果不停食啲大補壯陽嘅食物落去，咁無疑係火上加油，只會令身體愈嚟愈差，至於乜嘢係「滋陰」？其實調理脾胃就係滋陰，當你發覺愈食補品愈冇精神，面青體弱，咁就要停止進補，因為你完全吸收唔到，補品變成毒藥，跟住就係改食一啲清淡嘅食物，讓脾胃好好休息，大約一年半載，體質自然會有一百八十度嘅改變，變得龍精虎猛。

而要有效健脾，有三樣食品可以幫到大家，一就係早上起身飲杯蜂蜜水，滋潤腸胃，二就係白天堅持飲薏米水，去除脾胃濕氣，三就係晚上食碗紅棗粥，另外煙酒刺激食品，可免則免，男士們想回復身體最高狀態，首要滋陰，然後至進補呀！

撰文：小德