北風天，寒風刺骨，囡囡自然要多穿衣服保暖，但喺內地好多夜場嘅制服，都係有咁少布得咁少布，令唔少囡囡都打晒冷震。家陣有個趨勢，就係多咗囡囡着絲襪，有對絲襪頂住吓都冇咁傷，講起着絲襪，內地囡囡原來唔興着，冬天佢哋着棉褲都嫌唔夠，仲着絲襪嚟做乜？至於夏天，佢哋又嫌着絲襪焗住晒。
但廣東天氣比較冇咁凍，冬天都大把人着短裙示人，於是着絲襪就流行起嚟，但都係啲OL先着，至於囡囡幾時興起，咪因為啲夜場搞「OL之夜」，要啲囡囡扮OL囉！佢哋喺冬天着住絲襪發覺頂得吓啲冷風，於是唔使扮OL嘅囡囡，都學人着吓。
以前佢哋只着「三個骨」或者「四個骨」絲襪，但家陣為咗着裙，好多都着長筒絲襪，有啲仲配埋吊帶添，至於純屬禦寒嘅囡囡就會着襪褲，款式方面都時尚好多，以鮮艷顏色或者圖案為主，而且少咗啲慳妹，冇見啲洗到起晒粒粒仲着絲襪嘅囡囡。
撰文：大軍