曼谷夜場每年最旺嘅日子，除咗暑假之外，就係聖誕節，雖然泰國係無冬天，但係到咗十二月份，呢度嘅天氣都會無咁熱，所指嘅唔熱都有成三十一度，只不過係無咁熱咁解。亦因為呢個原因，呢段時間就係全年最多人嚟嘅日子，而大部分都係歐美客人，咁對於小姐們嚟講，呢段日子就係全年搵錢嘅好機會。
撰文：刮王
點解？閒時日子嚟當地玩嘅都係以亞洲區客人為主，大家作為香港人都知道，計數係強項，所以每一項數都會計住，使費方面就當然係就住就住。
但係相反，對於歐美鬼佬嚟講，以佢哋平時嘅生活指數同貨幣匯率，喺曼谷當地使錢真係平到震，所以佢哋亦使得特別疏爽，簡單嚟講佢哋開一支酒都可能係十萬銖，但係香港人去玩呢？頂多咪飲番幾打啤酒，仲有一個非常現實嘅問題，就係小費方面，如果歐美客人畀十蚊美金，即係接近成四百銖，但係香港人去玩，最多咪就係一兩百銖，咁即係單單小費都可以差成倍，咁你話小姐會鍾意邊種客人？所以喺呢段日子，小姐們已經總動員，趁每年最旺既日子搵食。