交友網搵客

內地成人交友網站向來都係援交妹搵食嘅途徑之一，佢哋會將性感相片上載到網站，並提供個人資料及聯絡方法，如客人有興趣的話，援交妹就會即時跟對方聯絡，傾談細節，然後再到指定地點進行交易。

據了解，呢班援交妹多數為十零廿歲嘅年輕少女，佢哋唔少人都係失學失業，大部分時間都係沉醉於網上虛擬世界，當發現冇錢使嘅時候，佢哋就會上網搵客做「兼職」，每次收費由四百至八百蚊不等。此外，部分援交妹為咗賺多啲，不惜冒險跟客人打真軍。

欺騙成分高

早前一個成人交友網站出現一段留言，引起唔少網民注意。留言者為自稱來自湖南嘅少女，表示父母早年離異，自細跟婆婆生活，家境貧窮，好希望有善心人幫忙。而善心人如果想幫到佢的話，就可以參加拍賣，而少女拎出嚟拍賣嘅正係佢自己嘅處女貞操！

留言一出，令好多網友產生激烈反應，有人認為競投既可以幫到少女，又可以品嘗到處女滋味，何樂而不為呢！同時亦有人表示，少女此舉有違反道德之嫌，當然，反對歸反對，咁吸引嘅拍賣梗係吸引到好多網友競投啦！然而，競投結束，中標者將錢存到少女戶口之後，久久都未能夠同少女聯絡上，而少女亦好似人間蒸發一樣消失於網絡世界，所以有人認為，少女拍賣貞操絕對係一個騙局，一舉欺騙具同情心同色心嘅網友。

撰文：娟娟