眼細易不滿

結婚最好就係門當戶對，大家都咁高咁大，就唔會嫌棄對方，問題自然比較少。不過，事實上又唔係咁多人懂得遷就對方，而且會認為自己應該得到更好，所以你對佢幾好，佢都會覺得唔滿足，勾佬嘅淫婦就係屬於呢類人喇！而呢種女人唔會咁容易表達自己，所以一旦發覺老公滿足唔到自己嘅物欲同性慾，就會收收埋埋，靜靜雞去偷漢，而老公仲係懵然不知，返屋企乖乖將家用奉上！眼細再加上眼尾尖嘅人缺乏遠見，只在乎眼前利益，即使結咗婚亦唔多肯同老公一齊捱，更加經常認為自己老公冇出息，見到其他條件較好嘅男人就會主動舂過頭埋去。

面圓擅交際

當然，有淫婦特徵，亦要佢有本事兼有膽先容易勾佬。如果眼細而眼尾又尖長，再加上面圓圓，機會就相對大大增加喇！大家都知道，出嚟工作最緊要做到面面俱圓，即係要做人圓滑，能夠冧得到各方面嘅朋友，事實上面圓嘅人做事同樣係咁圓滑，善於交際應酬，如果女人面圓圓同樣容易結交朋友，同隔籬鄰舍關係特別好，當中更不乏隔籬屋嘅男人！本身面圓就容易同人溝通，加上眼細眼尾尖就容易覺得唔滿足，所以擁有呢類特徵嘅女人，見到其他男人比較高大靚仔又比自己老公稍稍有米的話，好自然就會主動出手勾引，雙方有機會成日咬耳仔，細聲講大聲笑，繼而發生曖昧行為！

撰文：賢