化身茶客

自從嚴打之後，內地淫業可以話元氣大傷，雖然家吓已經慢慢恢復，但唔少囡囡都已經怕得要回鄉或轉行，好似深圳嘅髮廊，以往每間店舖至少有十多個美女打躉，之不過家吓已經好難見到呢個情景。而且髮廊生意大不如前，為咗搵食，呢班髮廊妹惟有諗計拉客。

據了解，部分囡囡會透過中介人尋找客源，但接客方式則比較另類，佢哋會喺朝早出動，化身成茶客，由中介人陪同到酒樓等候。當客人嚟到之後，大家都會扮作若無其事，實際上呢個正是揀女環節。客人揀啱心水並付款過後，中介人就會離開，淨低幾位囡囡陪伴客人繼續飲茶。此外，為避免事件過分張揚，中介人只會接受熟客預約。

酒店交易

囡囡陪飲茶，相信大家都聞所未聞，之不過確實有唔少商家好此道，佢哋平時工作繁忙，晚間應酬多多，只有喺早上得閒，而呢個囡囡陪飲早茶嘅服務，絕對啱晒呢類人士嘅需要。

飲完早茶，梗係要做吓運動幫助消化啦！呢個時候，囡囡會跟隨客人返回酒店或到附近嘅賓館，然後喺床上面做「早操」，完事之後，再嚟一個鴛鴦浴，當堂精神晒。至於收費方面，一次服務要三百蚊左右，客人亦需支付囡囡嘅早茶錢。此外，為避免事件過分張揚，中介人只會接受熟客預約。

撰文：娟娟