好媽媽：我老公雖然只係四十歲，但係佢成日都話男人唔補好易冇，經朋友介紹之下，自己浸咗幾樽補酒，早晚各飲一次，上床前又再飲多一次。事實上，我就唔覺佢勁咗，但係酒精催化之下，佢神情亢奮，亦搞得我幾興奮。

妮妮子：我男友之前可能因為返工太繁忙，所以搞到性能力有所下降，於是佢就學啲叔叔伯伯咁買坊間嘅補酒，事前飲咗半支。勁唔勁我就冇留意，因為佢成口都係藥酒味實在幾難聞，搞到我全程唔係幾高興。

霜雪巨熊：我老竇都有一支壯陽藥酒喺屋企，我曾經偷過嚟飲，不過唔知係咪我本身都年輕力壯，所以感受唔到有咩分別。其實我覺得要保持強勁性能力，都係靠身體健康，多運動、多休息都有幫助。