問：最近經過長安，諗住去一間相熟嘅桑拿場幫襯，但遠遠見到間場烏燈黑火，所有招牌燈都冇開，於是以為佢冇營業，點知第二日，有朋友話間場有開，仲喺裏面食到好嘢，仲話家陣有好多熄燈場，請問乜嘢叫做「熄燈場」呢？
答：「熄燈場」係指夜場喺嚴打期間嘅一種特別營業方式，因為喺嚴打整頓期間，避免遭受有關方面巡查，所以把招牌燈全關上，有部分甚至落埋大閘，表面上好似關門唔做生意，但實際上仍然繼續營業，客人幫襯就要由特別通道出入。
而最好就係喺幫襯前，先打電話畀經理或者主任，由佢哋嚟安排，咁就唔會白行一趟，所以大家幫襯之後，佢哋派卡片記住留番張，有乜事先打電話，咁就包冇蝕底，而由於外面熄晒燈，但內裏繼續營業，所以客人都叫佢哋做「熄燈場」。
撰文：娟娟