嗰日我大軍同三位朋友齊齊「精戰」常平三日兩夜，聽聞有間場搞咗個自助餐，諗住唔會衰得去邊，一入場，睇見經已有十幾位「師兄」鬥搶喪食，仲食得鬼咁滋味，於是就等下輪，終於等咗半粒鐘就可以埋位。

嘩！所謂嘅自助餐真係睇見都唔開胃，全部餸頭餸尾，有如街邊廿蚊三餸飯，其中一位朋友抵唔住同經理講，果然即刻有新嘢上枱，但賣相一樣咁醜。既然免費都無謂咁多要求，求其質飽個肚上房梳乎，可惜，食完之後，我哋一行四人入房都發現有肚痛，其中一位食得最多嘅仲痛到唔可以「入閘」，卒之仲要即刻返香港求醫，呢鑊嘢教訓大家，北上玩千祈咪貪小便宜，免得因小失大！

撰文：大軍