05/12/2009

播放本新聞相關短片

北上全面體:下川島直擊海邊流鶯捱冷拉客

提起下川島,相信唔少男士都會會心微笑,事關呢個地方出晒名多蒲點,形形色色嘅夜店林立,喺沙灘附近亦不時見到有流鶯搵食,佢哋為咗吸引男士注意,就算天氣愈嚟愈凍都堅持常着少布,都咪話唔難撈!

海灘上搵食

下川島位於廣東省台山市嘅外海上,係一個風景宜人嘅小島,屬於旅遊區,而且島上各類娛樂及商店應有盡有,消遣購物都非常方便。而該處仲有唔少環境優美嘅沙灘,夏天嗰陣可見到唔少年輕人進行水上活動,至於冬天時就會以釣魚人士為主,有人會租船出海,又或者索性喺海邊釣魚。

據了解,海灘範圍不時有妓女出沒搵食,但基於安全,甚少單獨行動,通常兩女一組。夏天嗰陣,呢班囡囡嘅目標一般都會係釣魚郎,佢哋會主動上前兜搭,更識得睇人嘅眉頭眼額,從客人嘅舉動或眼神就可以判斷到對方有冇興趣。

天冷最辛苦

天熱時候,喺海灘附近可以見到身穿性感泳裝嘅小姐向泳客埋手,但現時天氣涼咗咁多,衣着單薄隨時冷親,之不過為咗搵食,佢哋堅持拋胸露臂。一位熱愛去該處釣魚嘅仁兄爆料,曾遇過一位囡囡,對方上身只穿着一件比堅尼泳衣,下身則有一條薄布作遮掩,雙峰豐滿,直頭有呼之欲出嘅感覺,以男士角度嚟講,確實養眼非常,之不過對囡囡嚟講就認真辛苦,當日天氣清涼,比較大風,睇見囡囡手臂起晒雞皮,凍到口震震咁款,仁兄都唔好意思拒絕,出於同情之心而同囡囡交易。

一般嚟講,呢啲囡囡會帶客人到附近嘅賓館進行交易,又或者充當旅客嘅性伴遊,陪客人食飯、玩樂,晚上再跟對方到酒店過夜。

撰文:娟娟