唔好話我大軍唔撐自己友，仲要玩數臭，確實有不少玩家北上夜總會耍樂時，當正自己係大老闆，我大軍自問係老江湖，識得內地唔少夜場老闆及經理，對方表示若然港客唔係太過分，一般都會笑笑口當無事，但近年內地人都上晒位，如果港客自己唔知醜，夜場一定唔畀面！
話說厚街某夜總會經理對我講，有一次，十幾個港客去捧場，對方話啱啱玩完「賽車」，又餓又渴，要求經理嗱嗱臨幫佢哋叫某某菜館外賣，其實該夜場有自己廚房，一般都唔會幫人客落柯打，但為咗以客為尊於是照單全收。人客邊食邊揀囡囡，期間不斷嫌三嫌四，又話啲囡囡醜影響食欲，更有人話「豬扒」咪入房，免得嘔到反胃。
一輪擾攘，最終各人都揀好囡囡，玩得不亦樂乎，埋單四千幾人仔，其中一位相信係「領隊」就要求經理簽酒，仲大聲夾惡：「唔係呀，我十幾人嚟捧場，又煙又酒又帶囡囡走，咁都唔簽酒，起碼減一千啦！」於是經理笑笑口同人客講：「面我已經畀足你，四千幾蚊，你哋十幾位『老細』除開都唔使四百，隔籬房三個湖北客埋單都六千幾，人哋一蚊都無要減仲擺低五百貼士，你畀唔到不如我請！」講到呢度，領隊經已想搵窿捐，呢個故事教訓各位，北上玩，要扮大爺只會攞架嚟丟！
撰文：大軍