好多朋友都話我露茜爛蒲，過着醉生夢死嘅生活，但可以話畀大家知，細個時嘅我，本質並唔係咁樣，仲要係三步不出閨門嘅乖乖女。而家吓變成呢個咁好玩嘅性格，完全係因為好幾年前一個派對中意外失豬，改變咗我對愛情及性愛嘅看法。
仲記得四年前一個冬天，有姊妹約我一齊去參加派對，老實講，如果唔係熟人叫到，一定唔會去的士高呢類場合。嗰晚成班柴娃娃去派對狂歡，而我更係首次落D玩樂。當時場內爆滿晒人客，全場氣氛高漲，自己心情都好興奮，期間有班男仔撩我哋一齊玩，諗住有姊妹傍住，應該問題不大，後嚟大家愈玩愈high，飲到唔清唔楚，最後不勝酒力，結果迷迷糊糊跟咗個男仔去時鐘酒店開房，事後佢話會負責任，點知唔夠兩個星期佢就人間蒸發。
呢件事令我留下不能磨滅嘅陰影，更將我嘅心態完全改變，覺得呢個世界所謂感情，之不過係男仔發生一夜情嘅藉口，倒不如由自己做主動，玩人好過畀人玩嘛！
撰文：娟娟