蒲友小心！事關呢半年不斷有「D場換錶黨」出現，主要針對港客。話說我有個老友叫做林總，周末最鍾意上深圳D場玩，當然係想溝女啦！以佢財大氣粗，身光頸靚，要喺D場界北妹根本無難度，而其實林總都好醒目，北上玩總會牛記笠記算數，以免畀人釘上「劏死牛」。之不過是福不是禍，是禍躲不過，平日帶開嗰隻「撈」就錶不離手，結果咁就領嘢！
原來深圳嗰四大D場有不法之徒知道港男愛戴名錶，於是就用講錶經做藉口，偷龍轉鳳對方嗰隻手錶。林總同我講：「啲囡囡好潮架，手上都帶住靚錶，另一隻手就攞貴袋，環境咁黑根本分唔到真假，佢哋走埋嚟就主動讚你有品味，然後就除自己錶落嚟，又叫你除埋自己嗰隻落嚟互相交流吓，跟住其他「媒」就會問你隻錶買咗幾錢？香港買係咪平啲？可唔可以幫我買？等等諸如此類，期間仲要嗲吓你，用對奶撞吓你，我就係咁畀佢換咗隻錶！」所以話，北上幾時都唔好晒命！
撰文：大軍