雖然話入去夜場做小姐都係為賺錢，如果唔係邊個得閒同你做？話雖然係咁講，但係小姐都需要一定程度嘅讚賞，即係話做得好都要人讚先得。刮王最近去過一間A Go Go吧睇過，呢間場個負責人就搞咗個鋼管舞比賽嚟為小姐打氣。
小姐變老闆
細問之下先知道，呢間場個老闆原來都係做小姐出身，佢明知道做小姐有時都會做到滑牙，即係做到無乜癮，而佢要令小姐們更有心機工作，最好就當然係要令佢哋士氣高漲。佢話搞呢個鋼管舞比賽，只要小姐們知道有獎自然跳得好。當晚只要參與比賽嘅小姐都可以有獎，行上台都已經可以有一萬銖，而全晚跳得最好嘅就有五萬銖獎金。
提升自信
小姐們都好明白，佢哋上台玩獎金係其次，而最重要係當晚老闆搵咗好多熟客過去捧場，就係要令客人明白佢哋間場小姐嘅質素有幾高。老闆話近半年曼谷夜場嘅生意唔多好，所以依家最緊要係令小姐們自信心提升，因為佢明白到呢班小姐係夜場嘅搵食工具，搞呢個活動就係要令佢哋做起信心，計刮王話客人去玩最重要係小姐嘅質素如何，今次呢個節目，其實擺明就係玩晒冷，呢個先至係最主要嘅目的。
撰文：刮王