春光乍洩

本地嘅o靚模巴巴閉，但凡係女都以o靚模自居，不過美國嗰邊嘅o靚妹仔就冇咁好彩，事關佢哋要靠自己上位，假如錯過機會，分分鐘成年冇飯開架！而近年，歐美有中介公司就睇中呢班無人肯簽嘅成年o靚模，於是將佢哋聯合起嚟，籌備一個名為「MODEL EXPO」嘅活動，等外界對呢班「未來」模特兒加深認識，了解佢哋嘅優點！

起初o靚模EXPO為期三日，用意主要推廣新進模特兒，除咗有「貓步」、產品展覽外，仲會有個人表演，而喺眾多節目中，最廣受男士歡迎嘅，必定係內衣騷。試想像，喺台下近距離睇住班索模衣着性感行騷，間中更有機會睇到靚女春光乍洩，咁筍嘅表演，有邊個男人唔鍾意呢！所以，當呢個「模展」一出，即時震撼整個美國。

免費宣傳

去年經濟雖受嚴重影響，但由於聘請o靚模所費有限，甚至乎免費，所以根本不受影響，反而再一次添食。今次依舊喺美國加州舉行，同樣連辦三日，但活動內容比以往更豐富，除咗一貫指定動作外，喺最後一日更加插o靚模派對，實行「乳」眾同樂。

顧名思義派對會有大量o靚模參加，好自然引嚟不同地方嘅淫蟲齊齊開P，呢班入場玩嘅男士，目的純為抽水，只要o靚模願意蝕底小小畀佢哋抽吓水，呢班男士就會毫不猶豫，立刻購買對方商品，如寫真年曆、T恤及DVD等。有部分廠商仲會從中挑選合心水嘅模特兒做宣傳大使，若然你氹得班o靚模開心，佢哋會好樂意陪你飲酒吹水，甚至攬攬錫錫都冇所謂。總之入得去玩，都可以盡興而歸，話晒呢班人都係o靚模嘅未來米飯班主，咁又點可以得罪呢！

廁格開戰

雖然呢個o靚模派對只接受十八歲或以上人士參加，但唔代表有任何含意，此限制純粹順應酒吧入場條例而已。不過規矩係死嘅，據曾參加o靚模派對嘅男士透露，入場後要攞囡囡電話，同對方保持聯絡，日後約出嚟再玩過，打吓友誼波都容易得多，網上有留言表示：「囡囡本身都唔係好人，做o靚模無非係想識老細搵快錢，就算出賣肉體都在所不計。」網友似乎冇吹水，事關有參加者表示試過偷雞喺女廁同囡囡執劑都冇人知，唔怪得咁多男人湧住去玩啦！

撰文：祖