日文中嘅「裏」字，係一個多義字，包含好多意思，而喺AV術語中，「裏映畫」就係表示「地下版」咁解，所謂地下版，即係唔會喺巿面買得到嘅AV作品，裏面全部真刀真槍，絕對唔會打格仔，所以碟面上有個「裏」字，就知道係地下四仔貨。
而「初裏」就係第一次拍四仔咁解，好多女優由「騎兵」變身做「步兵」（無碼），為咗宣傳都會喺碟面打上「初裏」嘅字眼，就係表示呢套片就係呢位女優首次無碼真身見人嘅作品，女優嘅粉絲睇到，一定會買嚟欣賞吓，見識見識自己偶像嘅真身。
但有時AV片商又會捉字蝨，例如女優已拍咗兩三套四仔，但今次因為有女優私處嘅大特寫，佢哋又會用「初裏」嚟形容，而今次嘅「裏」就係指肉洞裏咁解，由於都解得通，所以奈佢哋唔何，於是下次其他部位大特寫，佢哋又有可能用多次都話唔定。
小德