刮王上星期終於忍唔住問在場嘅其中一位小姐，原來佢哋呢期興玩美白，理由就好簡單，因為上年有一個夜場小姐委託顧問公司做咗個調查，發現原來有唔少人開始對泰國小姐嘅喜歡程度有所下降，特別係亞洲地區嘅男性，因為大家都認同一白遮三醜呢個講法。而被調查嘅大部分男性都話，泰國小姐本身好純又聽話，若果佢哋都皮膚無咁黑，咁佢哋就會更喜歡。

呢個調查一出，好多小姐就以最簡單嘅方法去應對，咪就係去做美白，總之唔好理，有理無理都去做美白，令到成個人睇起上來都白好多。同刮王傾嗰位泰國小姐話，因為佢哋天生黑皮膚，所以要令自己變白唔係一件易事，以佢為例，都已經做咗成個月美白，但係效果有限，咁刮王問佢有乜嘢好方法？佢話乜大家見唔到咩？就算個樣未白得晒，但係起碼都要着番件白色三點式泳裝，令人望落去白雪雪先得架。

刮王