買罩很難

一雙巨型肉球能夠將男人嘅目光深深吸引住，所以唔少女仔都為咗吸引異性，想盡方法將上圍谷大，但係上圍激凸並唔一定好似大家想像中咁着數，好似擁有38吋上圍嘅日本水着女優杉原杏璃咁，就表示個胸太大，令日常生活出現不便。杏璃話：「我個胸咁大，真係好唔方便o架！好似平日去行街咁，由於雙峰太重，令我個人負擔好大，行得多條腰都會覺得痠痠痛。不過，最麻煩都係揀內衣嘅時候喇！日本女仔唔係個個都好似我咁大，所以好多內衣公司入貨都唔會入罩杯較大嘅胸圍o架！如果我要買胸圍都要去大型百貨公司。但係，搵到適合尺碼都要對其質料多加留意，因為唔少胸圍注重輕巧，胸圍扣同肩帶又細又薄，好難承受到我咁勁嘅胸部重量o架！你話係咪好煩呢？」

保養需時

杏璃妹你遲啲買胸圍可能仲多一個煩惱添呀！因為，早前有新聞報道表示，胸圍公司礙於大碼胸圍用料較多，成本較貴嘅關係，所以會將大碼胸圍嘅價錢約略提高呀！

同杏璃一樣，都係擁有一對38吋巨乳嘅原幹惠呢個時候表示，個胸咁大，除咗買胸圍困難之外，保養亦係一個好大問題，原幹惠話：「為咗令呢對巨乳保持良好狀態，保養工夫一定唔少得。好似我咁，每日都會花時間幫佢哋做吓按摩，等佢哋保持良好彈性，減低下垂嘅機會。另外，為咗令佢哋表面有光澤，仲要搽好多潤膚膏。除咗呢啲保養工夫要定時喺屋企做之外，外出嘅時候都有好多地方要注意，例如係坐車嘅時候，佩戴安全帶要小心，因為我本身鍾意着低胸衫出街，而安全帶嘅邊位有時都幾鋒利，一唔小心好容易會刮親我個胸嘅幼嫩皮膚喇！」

焦點所在

聽杉原杏璃同原幹惠講完之後，諗落胸大又真係好多煩惱，唔知兩位有冇考慮把心一橫，去做縮胸手術呢？

原幹惠就話：「梗係唔會啦！如果冇咗對巨乳我哋點搵食呀？」杏璃就話：「咪係，雖然有對巨乳係咁麻煩，但係我哋都覺得相當自豪o架！就好似我哋咁，之所以能夠成為水着女優，受到咁多人歡迎，完全都係因為有對咁堅嘅巨乳。就算我哋未成名之前，亦都不時因為佢哋而自豪。好似我哋平日搭車返工放工咁，好多男人都會受到巨乳所吸引，目光全部集中於我哋身上，感覺自己好似明星一樣，仲覺得自己比其他女仔層次更高，呢種高人一等嘅感覺真係好正o架！」

杉原杏璃小檔案

年齡：27歲

身高：5呎2吋

三圍：38、24、33

原幹惠小檔案

年齡：22歲

身高：5呎3吋

三圍：38、24、34

撰文：小德