提升戰力

呢個「性愛研習班」係由池袋一間性學研究中心舉辦，當中嘅導師部分為風俗娘，間中都會搵嚟現役AV演員客串教授。佢哋會按照客人嘅要求，教授唔同性技，好似各式各樣嘅前奏技巧、各種床上招式等，仲會分析每個做愛姿勢嘅優點同缺點，務求令大家增強戰鬥力，日後與伴侶做愛可以玩得更開心，提升性生活質素。

畀錢學做愛，究竟實用性有幾大呢？負責人中川就話：「大家都知道，性愛對維繫男女關係有着好大幫助，性生活過得美滿，兩個人之間亦都會少啲摩擦。不過， 好多人都忽略咗一點，就係千篇一律嘅做愛方式，只會令人生厭，久而久之，可能為兩人關係帶嚟負面影響，甚至令人產生偷食嘅念頭。所以，我覺得絕對有需要舉辦一個性愛研習班，讓大家學習更多性技之餘，亦可以從中了解自己多啲，改善性事上各方面嘅缺點。」聽落呢個研習班好似幾有用咁喎！

經驗導師

想報名參加呢個性愛研習班，其實一啲都唔困難，只需親身去到性學研究中心報名及繳付學費，然後就可以即時上堂。而中心內設有十多間小房，每間房入面設備簡陋，只設有一個小型浴室及放置咗一張床，工作人員會按照學員所挑選嘅課程，安排合適嘅導師。據講呢班索女導師個個都擁有豐富嘅性經驗，而且非常了解男人嘅心態，絕對唔會淨係識得吹水，敷衍幾句就算。

當中導師洋子為風俗娘，縱橫夜場界十年，可謂閱男無數。佢指出：「現今男女好早就有性經驗，之不過做愛嗰陣，來來去去都係得兩招，欠缺新鮮感，將原本刺激嘅性愛都變得單調無味，難以令人盡情享受。要體會真正嘅性愛樂趣，必先讓大家知道喺做愛過程中容易忽略嘅幾個要點，好似當男人處於興奮狀態時，通常表現變得性急，動作比較粗魯，由於唔係每個女性都能夠接受，稍一不慎就會令對手無法投入性事，甚至搞到不歡而散。」洋子又話，引導學員去思考問題，從而改善自己嘅缺點，為必修課程之一。

剝衫實習

除咗理論課，當然唔少得實習堂啦！每當去到呢個部分，導師或助教就會自動脫光衫褲，然後開始示範唔同嘅性技巧，當中有三大部分，包括挑情、前奏、正題等。為咗令學員更易掌握箇中竅門，導師可能會邀請學員參與其中。但面對裸體索女，男人有生理反應都好正常，甚至把持不住，作為導師，唔知佢哋會點樣處理呢類情況呢？洋子就話：「一般嚟講，每當發現學員心情過分興奮時，我通常都會主動出手或出口為佢哋降火，事關情慾呢樣嘢，真係好難忍得住，而且谷住谷住對身體都唔好，索性將情緒發洩出嚟，自然可以集中精神繼續上課啦！」有嘢學又有得玩，都唔錯吖！

撰文：娟娟