話說一晚老友上去東莞玩，唔知係咪太過心急，以致中途整傷左腳，結果又紅又腫，如果畀我咁情況，相信都會終止行程，返香港休息，但呢位師兄偏偏決定頂硬上，佢話因為一早已經向桑拿訂咗房，唔想嘥咗喎。於是朋友拐吓拐吓去到桑拿，揀好技師就開始接受服務，雖然服務過程順利，但期間有部分動作刺激到佢嘅傷勢。朋友話，個技師手勢唔算太突出，但勝在肯落力同畀心機，而做完所有服務後技師就離開，朋友就留喺房中休息。點知隔咗一陣，突然有人敲門，朋友心諗，唔通有人查房？於是跳落床拐吓拐吓行到門前，從防盜眼望出門外，發現竟然係先前嗰位技師。

老友打開門，見佢手中拎住支跌打酒，原來頭先對方眼見客人隻腳扭傷，專登返轉頭幫佢搽跌打酒，足足搽咗十幾分鐘，臨走前仲提醒朋友要小心，同埋返香港要記得繼續搽藥酒。

此事令老友非常感動，實在冇諗過個技師會咁關心，而且，雖然只係十數分鐘，但對技師嚟講，呢段時間隨時都有機會畀另一個客人睇中，可以搵多個錢，但技師為咗朋友而甘願放棄機會，難怪老友話下次點都要去搵番佢啦！

祖