撰文：賢

習慣咁混亂

呢兩位唔執屋嘅囡囡，分別係嚟自匈牙利，今年26歲嘅艾芙安祖娜（Eve Angela），同埋嚟自美國，今年27歲嘅卡美拉碧玲（Carmella Bing），佢哋都係圈中嘅大美人，極有潛力升上更高位置，當上阿姐級嘅寶座。

我哋先問一問艾芙安祖娜，點解成日都唔執屋，佢話：「我日日忙到不得了，自己嘅外表都冇時間執，仲邊有時間去執屋。」咁有冇打算搵個人執吓屋呢？艾芙話：「搵個外人嚟屋企，點都有啲唔方便嘅。」

咁你瞓喺個狗竇裏面習慣嗎？艾芙話：「我自從嚟咗美國之後，就係一個人住，未入行就忙住打工賺錢，入咗行就忙住拍戲應酬，我間屋幾年都冇執過，唔慣都要慣啦，相反你幫我執完屋，我可能真係唔慣添。」

有工人執屋

但你啲男朋友嚟到唔會投訴咩？艾芙話：「佢哋唔嚟我屋企仲好，免得招呼佢哋，如果真係情到濃時，一係去佢哋屋企，一係就去酒店開房，如果都唔得嘅，咪開車去郊外車震囉，但呢啲男仔一定冇下次。」

咁結婚之後會唔會改變呢？艾芙話：「呢層好難講，到時要睇老公有冇本事，如果有幾個工人招呼我，應該冇問題嘅！」咁都得，真係服咗佢，至於另一個美女卡美拉碧玲，點解佢又唔喜歡執屋企呢？

卡美拉話：「其實我屋企都唔係好亂，只係屋企太細，但我嘅嘢實在太多，於是冇地方放，至隨地擺晒出嚟，睇起嚟好似好亂，但其實一啲都唔亂，如果你問我要搵乜嘢，我可以隨時搵番出嚟，唔會出錯。」

執屋要分手

咁講法如果有人幫你執屋，仲會搞亂你添？卡美拉話：「係呀！有次舊男朋友睇唔過眼，幫我執屋，我一返嚟嚇咗一跳，因為所有嘢畀佢唔知放咗去邊度，事後仲因呢件事搞到要分手添！」又會咁大鑊？

咁你一定唔會招呼男友去你屋企啦？卡美拉話：「自此之後，冇男仔上過我屋企，所以有人傳我屋企係狗竇，臭過垃圾崗，我由得佢哋傳，懶得去解釋，愈冇人上嚟愈好，我樂得清靜，有需要咪去開房囉！」

最後問卡美拉，要發生乜嘢事，你先至會主動執屋呢？卡美拉話：「如果搬屋，可能會執一下嘅，但就因為知道搬屋麻煩，所以搬咗嚟呢度之後就冇再搬過，免得要執屋咁煩嘛！」咁都得，真係服咗呢兩個懶鬼。