來勢胸胸
小記自問係一隻食肉獸，餐餐都無肉不歡，唔怪得長年都肥肥白白兼面色紅潤啦！可樂嘅好姊妹軒軒呢個時候又話：「除咗食肉之外，福鱷嘅捕食方法都有值得學習之處。」唔通軒軒想食人？
軒軒話：「你估我係生番咩？我係話學佢哋咁兇猛，再正確啲講即係主動。好多人見到心儀目標出現，往往因為怕醜，又或者擔心失敗之後畀人笑，所以唔怕主動搭訕，其實機會總要自己爭取，唔通要等對方做主動，送到入你個口先肯食咩！正所謂快刀斬亂麻，溝仔或者溝女都講求速戰速決，諗咁多好容易失去機會，而且仲有機會畀其他人搶走埋添！好似我咁，每次見到靚仔出現，我一定會表現主動，事先會拉低少少件衫，等我露出一條深溝，再來勢『胸』『胸』咁搭訕，好多靚仔因為我咁『胸』惡而就範㗎！」
惡態盡現
軒軒真係有道理，小記就係因為唔夠積極，成日都搞到心儀嘅女仔畀人溝咗，後悔都已經太遲！唔怪得有師兄話，做咗先後悔好過唔做至嚟後悔喇！講到個做字，可樂就話：「上到床亦一樣要向福鱷學習。」莫非可樂見識過雌雄福鱷如何水乳交融，從中領悟到奇招？
可樂話：「我梗係冇見過啦！不過，我認為上到床嘅時候，可以學佢哋咁惡！我知道日本AV界近年興起癡女系列，一般會描述女優一反傳統咁向男優大肆強攻，用盡百般招數搞到班男優咬碎銀牙，雖然男優睇落好似受辱，但係表情卻又顯得非常享受。我認為家陣時代唔同咗，男人亦希望試由女方以兇惡態度搶攻嘅滋味，從中尋求新鮮刺激。所以，各位女士都唔好留手喇！盡情採取主動，兇惡地向男伴發動攻勢啦！當然，兇惡只限於態度同表情，千祈唔好出埋道具呀！」
食肉強壯
小記對於養魚有濃厚興趣，曾幾何時都喺屋企養過幾條魚，但係自從金融海嘯之後，小記大屋搬細屋，冇地方放魚缸，於是惟有放棄養魚，不過小記一有時間就去金魚街欣賞各種魚類，當中亦有見過細細條嘅福鱷，而最近仲得知原來福鱷可以養到咁大條，而且仲生性兇殘，幸好冇買番屋企養咋！
而澳門利×夜總會嘅可樂就話：「雖然福鱷咁兇猛，但係佢都有優點值得大家學習㗎！」當真？可樂話：「係呀！大家可以學佢咁食多啲肉囉！喺電視新聞都有睇到啦！啲福鱷大條得嚟又生猛，捉咗上水都仲可以係咁跳，我覺得就係因為佢食得肉多所以先咁勁！肉類含有豐富蛋白質，可以令人更加強壯，例如牛肉咁，含有豐富維他命B雜以及鐵質，有滋補血氣作用，食多啲，成個人嘅血氣都特別暢旺，做乜都有氣有力，成隻牛咁強壯啦！」
撰文：賢 攝影：賓