要數乜嘢男人最能討女士嘅歡心，有人會話靚仔，有人話要有錢，亦都有人話要浪漫，而真正討好女士嘅最高境界，原來只靠齋吹，就好似以下短片，男主角齋吹就令女友冧晒，唔到你唔服？
睇見靚女羅拉甜絲絲嘅樣，真係比嗒咗糖仲要甜，成個冧晒，唔通佢中咗六合彩？但又唔多似，睇真啲佢似發緊夢多啲喎！
羅拉嘅美夢入面，佢身處海灘度假，有無數嘅靚衫畀佢着，手袋、高跟鞋更係任用，玩攰咗就可以去後面嘅五星酒店休息。
原來呢個夢，唔係羅拉自己發嘅，而係由佢男友阿祖吹出嚟嘅，阿祖齋吹水，都可以令羅拉開心成咁，真係唔到你唔佩服。
小德