山藥益精氣

講到溝奶，另一位水着女優大友沙由莉表示，佢都知道有一種食物適合溝奶，不過就唔係生果，而係一種根莖類蔬菜。沙由莉話：「我以前都好鍾意睇食療書㗎！而我印象最深嘅一個食療飲品就係山藥溝奶喇！因為山藥即係鮮淮山，通常都係鹹食，用嚟溝奶再加少少糖嚟製作甜味飲品增強精力就未聽過。其實，山藥真係幾有益㗎！因為山藥含有多種維生素，中醫話佢有益精補腎作用，對於補氣強身亦有幫助，更加有傳說話多食山藥可以延年益壽添！唔怪得我識得有唔少叔叔伯伯，都會用山藥磨成蓉再撈飯嚟食喇！另外，山藥屬於高纖低脂食物，含有嘅多糖蛋白質可以預防心血管疾病之餘，仲可以減少皮下脂肪積聚，對於我哋女仔絕對係一種最佳纖體食物。」

木瓜保青春

有云藥補不如食補，通過食物調理身子，往往比較食藥嚟得更自然，而且更少副作用，所以食療已經成為好多人預防疾病，促進健康嘅方法。日本人嘅食療亦係世界知名，唔怪得日本人咁長壽，而且班水着女優都特別青春兼好身材啦！咁又不妨向佢哋請教一下點樣增進精力喎！

水着女優渡邊萬美就話：「透過飲食增強精力其實都係一個好方法，例如將不同蔬果同奶溝埋一齊飲，就可以增加營養吸收嘅效率喇！至於用邊一種蔬果溝奶好呢？我覺得木瓜絕對係最好選擇，因為木瓜含有豐富氨基酸同果糖，有效補充精力。而木瓜所含有嘅酵素由於近似人體生長激素，所以多食可以促進人體新陳代謝，保持青春活力，因此木瓜有萬壽果之稱，傳說仲話有延年益壽嘅作用。當然，我咁鍾意木瓜，都係因為佢有豐胸作用，睇我咁好身材就知我冇講錯啦！」

榴槤夠滋補

山藥有益又有纖體效果，相信一定有好多女仔鍾意沙由莉呢劑山藥溝奶喇！不過，唔係個個人都想減肥，又唔知有冇其他食物溝奶可以有強壯身體兼增磅嘅效果呢？

渡邊萬美就話：「梗係有啦！榴槤咪得囉！有果王之稱嘅榴槤營養價值極高，含有豐富蛋白質同脂肪，每一百克榴槤肉就已經有162個卡路里，可想而知佢熱量幾高！可能亦都係因為佢熱量夠而且屬性燥熱嘅關係，所以有活血散寒、滋補養身，以及壯陽助火嘅功效，男士食就最適合不過喇！但係由於榴槤味道太過濃郁，唔係人人都可以接受，所以用嚟溝奶比較易入口，相信呢個食療法應該可以令唔少男人進補更加方便喇！不過，榴槤熱量咁高又咁燥，都係適量食用好喇！費事搞到谷精上腦嘛！」

渡邊萬美小檔案

年齡：19歲

身高：5呎3吋

三圍：37、24、34

大友沙由莉小檔案

年齡：22歲

身高：5呎

三圍：34、23、33

撰文：賢