留意 救命單位

所謂「天」，唔係望個天咁解，而係抬高個頭，望吓附近啲招牌，據老前輩講，要留意主要有三樣嘢，第一就係要注意有冇其他夜場，特別係新開嘅，事關新開嘅場，無論招呼同價錢都會好吸引，唯獨囡囡未必夠，選擇街女嘅就唔怕幫襯新場。

另外要留意一啲重要單位，例如派出所、警局同醫院，萬一有事，都識得走去求助。

據前輩講如果喺派出所或者警局附近有酒店或者夜場，呢啲夜場嘅後台都係有勢力嘅人士，玩起嚟可以較為放心，萬一遇上大型掃蕩，又另當別論。

最後要留意食肆，有朋友返上去玩，成日都喺酒店食，畀人劏到一頸血，不妨日頭出去走吓，睇吓邊度有好嘢食，好多時橫街窄巷都有好嘢，問清營業時間同攞埋電話，記住打烊前一個鐘千祈咪幫襯，通常乜都冇得食兼服務差，咪攞氣嚟受。

轉搭深圳的士

睇完天就睇「地」，地就係指交通，好多人上內地玩都會坐酒店專車，過咗關就坐車去酒店，第二朝走嗰陣又坐專車返深圳。萬一有要事想走，酒店冇車都唔知點算，所以日頭上到去，不妨出去大街，睇吓附近有乜嘢車可以落到深圳。

如果係坐直通巴，咁就要問定頭尾班車嘅時間同埋價錢，另外小心有啲巴士話去深圳，但唔係去羅湖，而係去其他地方嘅車站，真係要問清楚，萬一真係唔好彩出事，愈快離開愈好，的士係一個方法，但東莞嘅的士，係唔可以直接返到深圳嘅。你可以坐到去深圳二線，例如沙灣或者寶安，再轉乘落深圳巿區嘅的士，千祈咪夾硬要司機車到你去深圳交通樓，否則只會中途踢你落車，特別係入夜，長途嘅的士會更少，可能連的士都冇，咁就要先找摩托車，再叫佢車你去搵車，咁就會快啲。

留意警車巡邏

最後睇「人」，呢度嘅意思除咗叫你睇女之外，仲要睇吓啲民風，據老前輩教落日頭睇吓啲囡囡嘅打扮，就知呢度嘅民風如何，如果大白天都有性感靚女出入，咁呢度到咗夜晚一定大把靚女，但如果全都係樸素村姑，咁搵到靚女嘅機會就會好少。

另外老前輩教落，除咗睇女人，仲要睇男人，如果發現街邊啲小店，大白天全部都係男人坐喺度打麻雀嘅，咁呢度啲男人全部都唔係正經人家，佢哋都係夜晚出動搵食嘅人，遇上咁嘅小鎮，奉勸大家入夜後少啲出街，免得發生不必要嘅損失。

最後，老前輩教落要留意吓啲着制服嘅人，特別係喺酒樓或者夜場，睇到佢哋吃喝玩樂，咁大家都玩得放心，萬一唔見佢哋幫襯，條街多咗警車同警察巡邏，咁就要小心，隨時係暴風雨前夕，只要大家謹記呢三招，就可確保北行平安，大吉大利。

撰文：小德