專業培訓

女性面對粗暴男士時，應該學識點樣防身，但上到床先發現對方行為粗暴，呢個時候又應該點自救呢？日本東京就有個另類訓練班，推出咗一個名為「床上自衞術」嘅訓練課程，專門傳授有關床上嘅自衞技巧，當遇着呢啲粗暴嘅餓狼時，唔單止識得自救，仲可以利用幾道散手，懲治呢啲唔識惜花嘅男士。

訓練班嘅教官大島小姐表示：「我哋推出呢個訓練課程嘅目的，係眼見不少女士，經常喺床上受到男士粗暴嘅對待，而不少防狼課程卻冇床上御男呢項。為咗讓佢哋識得防身，於是我哋便推出呢個課程。」其實大島小姐嘅原意，係讓女性能夠避免喺床上受到男士們嘅蹂躪，點知課程推出後，竟然吸引不少風俗娘參加，大出佢哋意料之外！

據報讀嘅風俗娘解釋，由於佢哋經常面對唔同嘅客人，而當中有不少有暴力傾向。當佢哋面對呢啲客人嘅時候，如果唔識得點反抗，便好易受到傷害，故此便參加呢個課程。

教訓惡漢

事實上，訓練班推出咗三個月，相當受到女士們嘅歡迎，而名額更經常爆滿。除咗因為課程啱佢哋學，專業嘅導師亦係吸引佢哋參加嘅原因之一。原來呢個課程嘅教官，各個都係武藝高強之人，有人擁有跆拳道六段資格，亦有人係自由搏擊高手，喺佢哋嘅訓練下，就算對方係七呎男兒，亦好難欺負到佢哋！

據大島小姐介紹，佢哋將搏擊技融合床技之中。當對方以粗暴嘅動作，嚟強行進行床上運動時，女士們便可因應對方嘅體位而作出反擊，將對方壓制床上，讓佢冷靜一下之餘，亦可以取回床上主導權。

另外，為咗可以提升學員嘅「臨床」反應，教官特意將課室設計成睡房模樣，讓學員能夠熟習睡房嘅環境之餘，亦增加學員對練嘅機會。當教官傳授咗床上嘅搏擊技巧後，教官便會讓學員以兩人為一組對練，從而加深對搏擊技嘅掌握能力。大島小姐笑道：「學員練得非常認真，以致經常出現扯爛衫嘅情況。」

另類快樂

曾經參加過呢個課程嘅學員由美子小姐就話：「我係一名出張風俗娘，經常接觸來自唔同階層嘅客人，有時遇到壞人都唔知，為咗可以自保便參加呢個課程。」據由美子小姐表示，佢哋練習嘅時候，一般都會穿着上班嘅服裝，讓佢哋可以習慣着住衫同對方拚鬥。

由美子小姐笑道：「不過最讓我意想不到嘅係，有啲客人聽到我學過『床上自衞術』時，竟然顯得相當興奮，仲叫我同佢演練一下添！當然，我哋只係點到即止，到咗適當嘅情況下便同佢曳曳。事後佢表示相當有征服感，仲要求我下次繼續同佢咁樣玩。估唔到自衞術不但可以防身，仲可以成為提升床上樂趣及吸引客人嘅方法。」

雖然自衞術讓風俗娘有意外嘅收穫，但呢個訓練班嘅學費卻一啲都唔平，以一共八堂嘅課程嚟計，便要收費40,000日圓，折合約為3,200港元。唔知各位姊妹有冇興趣參加呢？

撰文：阿豪