撰文：娟娟

例牌露肉

「o靚模」泛指年輕嘅模特兒，着起性感泳衣，騷出半個肉球，不但令萬千少男為之瘋狂，亦令到一眾少女明白到佢哋身體嘅用處。當然，日本「o靚模」嘅表現比香港嗰班妹妹仔大膽得多，佢哋故意着上比正常細幾個碼嘅泳衣，營造出一種衣不蔽體嘅效果，甚至只係喺身上摟一塊布，淨係遮掩重要部位，完全挑戰社會道德標準。呢班豪放女優露出大半邊肉球都視作等閒，演出時亦不介意做出擘腿、食棒棒糖等動作，呢種極度誘惑能輕易激發男士欲望，所以啲女仔受歡迎亦不足為奇。

當然，寫真女優賣肉博出位，無非都係想成名，然後就有機會加入藝能界，做一個真正受萬人敬仰嘅大明星。不過，寫真界嘅道路非常難行，事關業界人才輩出，新人不斷湧現，競爭相當激烈，並唔係肯露肉就可以。

博取好感

有實力固然重要，之不過想喺寫真界突圍而出，仲要講運氣及人際關係，老實講，有幾多個寫真女優可以好似小倉優子、星野亞希咁，喺業界打滾咗咁多年，依然能夠喺一眾女優之中鶴立雞群？再講，入行嘅女仔多數都係視寫真女優為通往藝能界嘅踏腳石而已。

要喺寫真界盡快上位，咁先有機會踏入藝能界，否則過咗寫真年齡，就無法喺業界生存。而增加曝光率就係其中一個重要因素，方法好簡單，就係需要更多工作機會，例如出多幾本寫真集、為雜誌拍封面照、拍廣告，又或者上電視做嘉賓等。不過，首先要得到老闆賞識，願意投資喺你身上，一切先可以如願以償。為達到目的，部分寫真女優竟不惜犧牲色相，好似出席飯局，甚至陪老闆到酒店過夜，加上私底下服侍周到，以為老闆對自己產生好感，到時工作就會接踵而來。事實上當然唔會咁易啦！

無端失身

無論陪食飯又好，到酒店過夜都好，對於寫真女優嚟講，並唔係佢哋想像中咁簡單，萬一遇着個變態佬，到時真係有排頭痕。好似早前就有一位叫美里嘅寫真女優，為博得經理人公司高層歡心，於是答應參加一個私人派對，點知誤墮色情陷阱。

話說美里參加嘅原來係一個淫亂派對，出席嘅女性都需要換上比堅尼泳衣，當時有個自稱電影製作公司高層人士主動走過嚟搭訕，期間佢仲話可以為美里安排演出機會，更呃佢去開房，之後呢個男人就失去蹤影。呢件醜事好快就傳遍寫真界，最後美里安更因此而失去工作，都咪話唔灰！其實想成功應該靠自己努力，唔應該出賣肉體，而且咁做好易誤墮色情陷阱，騙財騙色之外，甚至有機會畀人偷拍，到時想翻身都難。