娟媽今日同成班師奶參加屋邨大遊行，一行人晨早出發，第一站就係濕地公園，去到濕地公園，全體自由時間，佢哋班師奶邊有心機睇動物，於是搵個陰涼嘅地方坐埋就吹水，而方師奶個仔，不停走嚟走去，嚷着：「唔見咗嘅？」
娟媽剛剛由廁所出嚟，見到方小朋友，於是問佢發生乜嘢事？小朋友話：「唔見咗條嘢？」娟媽問：「你話唔見咗條嘢，咁你條嘢係點樣o架？」小朋友諗一諗：「都好長o架！」娟媽笑笑口：「冇男人會認短嘅！仲有乜嘢特徵吖？」
小朋友回憶：「平時佢郁都唔郁，但一郁嘅時候，個頭就會趷起，我媽媽都話嚇死人！」娟媽冷笑：「有冇咁誇張呀？」小朋友繼續：「同埋唔可以摸佢，摸佢好危險o架！」娟媽不想再跟方師奶嘅小朋友瞎扯：「我話畀你聽佢去咗邊度，你入廁所屙尿就會見到o架啦！」小朋友好高興走入去廁所，最後哭着走出嚟，話阿姨呃佢，裏面根本就冇，娟媽話：「廁所裏面咁多都話冇，你有冇搞錯呀？」小朋友放聲哭了出來。
各位聰明嘅讀者，方師奶個仔究竟要搵邊條嘢呢？大家又猜唔猜到呀？
1. 找自己嘅那話兒
2. 找尋小鱷魚貝貝
3. 找褲頭嘅皮帶扣
4. 找尋電動自慰器
答案：2. 找尋小鱷魚貝貝
解釋：方師奶個仔要搵嘅係小鱷魚貝貝，但可能潛咗水，一時間見唔到佢，於是小朋友走嚟走去話搵唔到，至於好長呀！頭大呀！危險呀！全部都係講條鱷魚，只係娟媽會錯意，之後仲叫小朋友入廁所搵，真係離晒大譜，都唔知佢諗咗去邊。
小德