客人去邊間夜場玩，好多時候都係睇價錢，邊間抵玩就去玩啦！因為呢個世界嘅女都係一樣，總之畀得少就係最好。所以，曼谷有唔少夜場最近就玩睇騷同坐枱兩級制，簡單嚟講，你可以選擇睇騷或唔睇騷，睇騷的話就坐大廳，唔鍾意的話就入房坐，咁收費就當然係唔睇騷平啦！
但係咁喎，呢個唔單止係價錢問題，場方搞得呢一招就梗係有原因，你想玩平嘢坐入房，平均消費係八百港元左右，要平的話當然唔可以要求小姐質素高，場方會畀啲三四線小姐由媽咪帶入房，咁你就唔可以要求咁多啦，因為價錢平嘛！
但係相反，如果你決定坐大廳的話，咁平均消費就當然貴好多，起碼都要一千五百蚊，呢個數目係包括睇騷，而且場內嘅啤酒任飲，其他烈酒就可以有八折，咁當然台上嘅騷就任睇。而喺大廳坐的話，小姐都全屬一線級數。你話呢一招唔公平？商業社會就係咁簡單，一分錢一分貨，咁你肯付出多啲，自然可以有更好嘅享受，如果係我的話，都情願坐大廳啦，畀多幾百蚊可以有咁多女睇，玩都玩得開心好多啦。
刮王