數一數，曾經同蘇茜上過床嘅男人竟然多達四十個！雖然呢啲係以前嘅事，但作為男人，知道自己老婆同其他男人嘅做愛全紀錄，而且字字清楚有如歷歷在目，點可以當冇發生過？最難忍就係佢喺日記入面，將自己同每一個男人點樣撻着、點樣上床、上咗幾多次、用甚麼招式都寫得一清二楚。我相信，佢由懂「性」開始所遇過嘅男人都有記載喺日記入面，惟獨係冇寫我！呢個問題纏擾咗我好多日，終於忍唔住打電話畀蘇茜問個明白。

蘇茜知道我搵到佢本日記出嚟，初時都非常驚訝，但後嚟佢同我講，以往每一段感情最後都係爛尾收場，原因係自己根本唔識得珍惜，玩夠之後就分手，覺得自己好愚蠢，但自從識到我之後，終於令佢明白到乜嘢叫做「幸福」。所以佢將日記留低係要警惕自己，絕對唔可以放棄呢段婚姻。

聽過蘇茜嘅解釋，我並冇因此而動氣，反而覺得係一件好事，原因好簡單，夫婦相處應該坦承相對，唔應該將事情收埋。

娟娟