阿花問：「但係如果有事呢？」小娟話：「梗係搵經手人負責啦！」阿花難為情地表示：「呢啲嘢點開口喎！」小娟：「咁邊個經手，你話畀我聽，等我同佢講數。」阿花：「佢咪係肥然囉！」小娟：「原來係肥然，阿花你放心，我一定替你討回公道。」

小娟：「但你點解又會咁蠢，畀肥然呃咗呢？」阿花話：「咁啱嗰日屋企冇人，佢叫我出去玩，話好刺激緊張，我咪跟佢出去囉。」小娟：「嗰日橫風橫雨喎？」阿花：「就係橫風橫雨，先至搞到今日咁樣？」小娟：「又會咁唔小心？」

阿花：「小心都冇用，當時失晒控制，我只可以出力抱住肥然同埋大聲叫，其他乜嘢事都唔記得晒。」小娟大喜：「睇嚟又幾激喎？早知我都去玩啦？」娟媽衝入：「呢啲咁不顧廉恥嘅事，點可以做！」娟媽定眼一望，阿花隻手竟然打住石膏。

各位聰明嘅讀者，大家又估唔估到肥然究竟同小花玩乜嘢呢？

1.偷食禁果

2.初試雲雨

3.碼頭觀浪

4.闢室談心

答案

3.碼頭觀浪

解釋：當日八號風球，橫風橫雨，咁啱阿花屋企冇人，肥然搵埋佢一齊去碼頭睇浪，兩人去到碼頭，點知風力太大，搞到兩人一仆一碌，阿花仲整傷咗隻手，擔心傷勢惡化，於是決定去搵醫生化驗一下，睇吓嚴唔嚴重，而並唔係娟媽所諗不顧廉恥嘅事，娟媽咁好幻想力，真係服咗佢。

小德