做小姐係唔係有錢就乜都唔理？刮王未入呢行之前都聽過，而喺十幾年前亦有見過呢一類情況，即係小姐們為咗爭客，除咗各式各樣嘅陰濕招之外，真係大打出手都可以。
但係近呢十幾年，唔單只世界變，連夜場嘅文化都變，簡單嚟講人嘅教育水平高咗，出嚟做小姐嘅水平亦高咗好多。以前刮王見過小姐們出騷，明明見到前排一位小姐件衫就嚟甩，但就因為大家本身敵對關係而唔出聲，最後件衫跌落嚟搞到出醜。但係今時今日，小姐們唔只出場前會互相提醒，甚至某小姐遇到某客人有古怪，大家都會互通消息。刮王認為呢個現象確實係同教育水平高咗有關，刮王喺曼谷一間大場認識一位有大學學位嘅小姐，雖然睇錢大過天，每日好努力接客，但係佢就認為唔會做一啲冇道義或者係害人嘅事，呢位小姐話有一位身邊鍾意講是非嘅姊妹慫恿佢撬另一位姊妹個有錢客過檔，但佢認為唔可以咁做，更直指呢位是非姊妹不是，刮王聽完之後都愕然，但就可以藉此睇清夜場嘅另一面。
刮王