署名「大忙人」嘅朋友來信：「小弟早前不知為何性慾異常旺盛，所以每晚都與女友進行激烈房事。然而，近日發覺身子虛弱，對房事再提不起勁，而且總覺得腰間隱隱作痛以及有遺精情況。」
每個人操勞之後，都需要適當時間休息，而房事亦算係一種操勞，雖然大家對房事樂此不彼，但都唔應該過分縱慾，萬一過度就會令腎臟虛耗過度，引致腎虛。大忙人身子虛弱、腰間作痛以及遺精，正係腎虛引發嘅症狀，如果再繼續唔節制，好容易就會令腎臟出現虧損，大大影響性能力。而要改善上述症狀，可以用一味首烏蓮子粥。材料為首烏二両、蓮子二両，加上適量糯米，將之煲成粥品，食用三至四日。首烏有益精血、補肝腎嘅作用，而蓮子則有益腎、固精功效，至於糯米營養豐富，為溫補強壯食物，具有補中益氣作用，更有健脾養胃功效，有助吸收首烏及蓮子嘅藥效。
陽起子