生壞把口 要節慾

喺面相中，鼻、人中、口三者若果配合得好，發達話咁易。點解呢？事關鼻為財山，人中為財路，口為財運，鼻生得好，即係有座靚金礦，由人中引路，將呢啲金沙引入金庫，呢個金庫，咪之唔係口囉！

不過，如果把口生得唔係咁好，上下唔均勻，左右唔對稱，唇線唔和諧，望落去，就會有苦相，接唔住由鼻準透過人中流落嚟之財氣，即使做嘢幾搏命都好，又或者投資博彩幾有心得都好，錢就賺到贏到嘞，但係就冤枉嚟瘟疫去。要改善，就要修口德，凡事謙讓咪扮醒扮勁，最好就暗中做善事。而喺性愛方面，亦要盡量控制情慾，絕不可濫交，或放縱自己隨意發生性關係，以免畀男人呃晒啲錢。

大耳窿 顯示性慾望

呢度所講嘅耳窿並非耳孔，而係耳廓所組成嘅一個空間，喺相學中耳窿大，並非一定會惡形惡相，反之係一種吉相，一主其人聰明好學，善於聽取別人意見；二主慾望強，見識多咗，自然會大膽進取。在於女性而言，耳窿大者，性慾較強，而且下體嘅神秘三角亦較為闊落。呢種囡囡，做嘢比較多心，愛情比較花心，講讀書主修課通常唔掂，但副修就超卓非凡，喺床上，呢種耳相嘅女人比較主動，喜歡搞花臣，男人少啲精力都搞佢唔掂呢！

準頭有肉 夫妻合拍

鼻除咗主管財、健康外，其實也主事業運，因鼻為中停之主宰，而中停主中年運，中年運當然係事業重點啦！對女性而言，鼻仲有一個功能，係主幫夫運。古時有云：「扁鼻姑娘奶奶相。」女人準頭有肉，而鼻樑扁者，可以為夫家帶嚟財運而唔會奪夫權，乜都唔理，翹埋雙手等做少奶奶去也。至於鼻樑有節者，就有奪夫權嘅可能。

至於個鼻生得又直又正，準頭又有肉，係一個事業與財運都得心應手嘅貴格，健康活潑，且有幫夫運。因此早婚將自己旺氣過畀老公就最好不過，喺床上亦會非常合拍，共演床上好戲，對雙方都有利無壞。

撰文：祖