現實世界好多事，都未必能夠盡如人意，反而喺夢裏則能夠滿足到現實世界中得唔到嘅嘢。好似妍女咁，憧憬美好愛情，偏偏只得一場春夢，好彩佢睇得開，否則有排唔開心。
妍女同個高大威猛嘅型男行海灘，情到濃時，型男更孭住妍女，搞到妍女鬼咁開心！原來妍女暗戀咗型男好耐，對方主動親近，梗係甜到震。
玩咗一陣後，兩人便拖手漫步海邊，行到攰時更齊齊瞓喺草地上，睇浮雲同晚霞，十足十愛情電影嘅情節！咁溫馨甜蜜，真係羨煞旁人！
正當兩人要打茄輪之際，妍女突然驚醒，原來一切只不過係妍女嘅夢境！雖然只係一場夢，妍女已經開心到要拎支橙汁嚟慶祝，認真睇得開！
阿豪