近呢一年大家都講話經濟唔好，好多人都因為呢一役而損失慘重。至於夜場環境又如何呢？你咪以為個個落去玩嘅都係大豪客，個個都成百萬未開頭，據刮王同夜場經理傾開，佢哋話好多客人都係因為喺股票市場損手爛腳，所以先至會落去飲番杯酒輕鬆一下。
近日刮王去咗間夜場，就見到成班小姐都着上護士服飾，大家咪以為又玩護士誘惑，今次呢班小姐真係幫手醫人，佢地成立咗一支慰藉心靈嘅隊伍，但凡有客人落嚟傾到唔開心嘅問題，佢哋都特別會同客人傾多兩句，但係呢批小姐又唔係心理醫生，咁佢哋又點會明白客人諗乜呢？真係唔講你唔知，原來呢班小姐都係喺去年股票市場上損手，但係呢班小姐相信只要努力工作，錢係可以再搵番嚟，所以索性食住呢個勢同自己嘅經驗，去開解一下客人。其實講到尾，小姐們又點識乜心理學，男人只要有女人陪，再飲番兩杯大家吹下共同話題，咁就乜嘢煩惱都無晒。
刮王