護理人員親切而體貼嘅形象，向來深深地吸引男士，但欣賞還欣賞，千祈唔可以有過分嘅行為。好似以下兩位男主角文仔同賢仔咁，借機騷擾靚女護理員，就絕對唔要得！
文仔同賢仔由於跌斷手同腳關係，故此兩人便入院治療。點知好色嘅文仔見到靚女護理員咁索，竟然借故騷擾佢，搞到靚女護理員面都紅晒。
得逞嘅文仔見護理員離開房間，便打電話畀隔籬房嘅賢仔，分享佢整蠱靚女護理員嘅經過。騷擾護理員已經唔啱，仲要o趙完唱，真係過分！
賢仔聽到文仔講得咁有趣，便諗住照辦煮碗，點知推門入嚟嘅，竟然係個男護士，搞到賢仔乜嘢心情都冇晒！唔知咁樣算唔算係天有眼呢？
阿豪